Жария офертасы

«PUSH EVC» ЖШС

Бас директордың Х.А.Дзауровтың

01.11.2023 ж. № 01-PS-1123

бұйрығымен бекітілген

 

Осы жария офертасы әрекетке қабілетті жеке (немесе) және заңды тұлғаларды (бұдан әрі - Тапсырыс беруші) білдіреді және «PUSH EVC» жауапкершілігі шектеулі серіктестігінің (бұдан әрі - Орындаушы), Жарғы негізінде әрекет ететін Бас директор тұлғасындағы Х.А. Дзауров  атынан, Қазақстан Республикасы Азаматтық кодексінің 387-бабының 1-тармағына сәйкес офертада көрсетілген шарттармен электромобильді зарядтау қызметтерін көрсету шартын (бұдан әрі — Шарт) жасасудың ресми ұсынысы болып табылады.

Орындаушы кез келген уақытта өз қалауы бойынша Шарттың талаптарын өзгертуге немесе оны қайтарып алуға құқылы. Орындаушы Шарттың талаптарын өзгерткен жағдайда, егер Орындаушы осындай орналастыру кезінде өзгеше мерзім көрсетпесе, өзгерістер офертаның өзгертілген талаптарын https://www.push24.kz/publicoffer сайтында және PUSH24 және/немесе PUSHEVC (бұдан әрі - PUSH24)  Мобильді қосымшасында орналастырған сәттен бастап күшіне енеді.

Қазақстан Республикасы Азаматтық кодексінің (бұдан әрі - Қазақстан Республикасының АК) 396-бабының 1 және 3-тармақтарына сәйкес Орындаушының Шарт жасасу (яғни, офертаның акцептімен) ұсынысын толық және сөзсіз қабылдау сәті Тапсырыс берушінің осы Офертаның 2-бөлімінде көрсетілген шарттарды орындауы болып есептеледі.

Осы жария оферта электромобильге арналған зарядтау станцияларында электромобильді зарядтау қызметтерін көрсетудің барлық елеулі шарттарын қамтиды.

«Электромобильді зарядтау қызметтерін көрсету шарты» - Тапсырыс берушіден Акцепті алған сәтте Орындаушы мен Тапсырыс беруші арасында жасалатын шарт.

«Тапсырыс беруші» - электр қозғалтқыштармен жабдықталған көлік құралдарының аккумуляторлық батареяларын электр энергиясымен зарядтау қызметтерін алу мақсатында Орындаушыға жүгінетін Қазақстан Республикасының азаматы, шетелдік азамат, азаматтығы жоқ адам, қазақстандық және шетелдік заңды тұлға, жеке кәсіпкер және олардың өкілі.

«ЭЗС»  (электр-зарядтау станциясы) — Тапсырыс берушінің электромобилін зарядтау қызметтерін көрсету жүзеге асырылатын электромобильге арналған зарядтау станциясы. ЭЗС  тізбесі PUSH 24 мобильді қосымшасында көрсетіледі.

 

1.1. Осы шарттың мәні Орындаушының Тапсырыс берушіге электр қозғалтқышымен жабдықталған көлік құралының/электр қозғалтқыштары бар көлік құралдарының аккумуляторлық батареяларын (бұдан әрі - Электромобиль) электр энергиясымен зарядтау бойынша қызмет көрсетуі болып табылады.

1.2. Осы Шартта жазылған шарттарды (акцепті) қабылдаған жағдайда, толық әрекет қабілеттілігі бар кез келген жеке тұлға, сондай-ақ, Оферта акцептін жүргізе отырып, Шарт жасасуға құқығы бар заңды тұлғаның кез келген уәкілетті өкілі Тапсырыс беруші болады және Қызметтер көрсету шарты осы Жария оферта шарттарында жасалған болып есептеледі.

1.3. Акцепт 2.1.1- 2.1.2-тармақтарында  көрсетiлген iс-әрекеттер жасалған сәттен бастап қабылданған болып есептеледi және Тапсырыс берушiнiң өз iс-әрекетiнiң мәнiн түсiнетiнiн, Шарттың барлық шарттары оған түсiнiктi екенiн куәландырады. Осы Офертаның акцептін жүргізетін Тапсырыс беруші осы Офертаны тұтастай және ескертпесіз қабылдайды.

 

2.1. Осы Офертаның шарттарына сәйкес Тапсырыс берушінің келесі  іс-қимылдар жасауы Акцепт болып есептеледі:

2.1.1. GooglePlay және AppStore электрондық дүкендерінде орналасқан PUSH24 Тапсырыс берушіні тіркеу.

2.1.2. PUSH24 қосымшасында қолжетімді және Тапсырыс беруші таңдаған ЭЗС электромобильді PUSH24 мобильді  қосымшасында орналастырылған нұсқаулықтарға сәйкес ажыратқышқа кәбілді қосу жолымен қосу.

 

3.1. Орындаушы Тапсырыс берушіге PUSH24 мобильді қосымшасында қолжетімді ЭЗС электромобильді зарядтау қызметтерін ұсынуға міндеттенеді.

3.2. Қызметті алу үшін Тапсырыс берушіге келесіні жасауға қажет:

3.2.1. PUSH24 орналастыруға;

3.2.2. PUSH24 тіркелуге;

3.2.3. PUSH24 мобильдік қосымшасында қолжетімді ЭЗС таңдауға;

3.2.4. тиісті ЭЗС-да зарядтау қызметін алу жөніндегі PUSH24 нұсқаулықтарын ұстануға;

3.3. Егер зарядтау қызметін алудан бас тарту келесі себептерден туындаса, Орындаушы Тапсырыс берушінің алдында жауапты болмайды:

— Тапсырыс берушінің осы Оферта шарттарын сақтамауы;

— PUSH24 жұмысы кезіндегі вирустар;

— байланыс арналарын үзу және магистральдық байланыс арналары, деректер алмасу орталықтары, есептеу орталықтары, сондай-ақ, өңірлік және жергілікті маңызы бар байланыс желілері деңгейінде серверлік инфрақұрылымның істен шығуы;

— ЭЗС-да қызметті алу сәтінде бағдарламалық қамтамасыз ету немесе ЭЗС-ның өзінің жабдығы жұмысқа қабілетсіз болуы;

— ғаламдық Интернет желісінің немесе оның жекелеген сегменттерінің жұмысындағы іркілістер мен қиындықтар, мекенжай беру жүйелерінің (DNS) жұмысының бұзылуы және т.б.;

— электрондық бағдарламалық және/немесе аппараттық құралдардың немесе олардың комбинацияларының көмегімен жүзеге асырылған Тараптардың кез келгеніне зиян келтіру мақсаты ретінде үшінші тұлғалардың рұқсатсыз іс-қимылдары, оның ішінде байланыс арналарын бұзу немесе жүктеу, серверлік инфрақұрылымның жұмыс қабілеттілігі, бағдарламалық кешендерді басқаруға рұқсатсыз қол жеткізу және құпия ақпаратқа қол жеткізу жөніндегі ниетті іс-қимылдар (бұзулар, DDOS шабуылдары, зиянды бағдарламалық кодты тарату, бағдарламалық-аппараттық құралдарды істен шығару және т.б.);

3.4. PUSH24 Тапсырыс беруші аккаунттың балансын банк картасынан толтырудың әрбір табысты операциясынан кейін PUSH24 Тапсырыс беруші көрсеткен электрондық поштаға чек жібереді.

3.5. Чек зарядтау қызметтері көрсетілген ЭЗС көрсеткіштері негізінде қалыптастырылады. Жасалған операция туралы чекте қызметті алу күні мен уақыты, көрсетілген қызметтің көлемі және көрсетілген қызметтің құны көрсетіледі.

Тапсырыс беруші ЭЗС зарядтау сессиясы аяқталғаннан кейін ЭЗС-ның техникалық ерекшеліктеріне байланысты зарядтау кабелінің (немесе ЭЗС жабу қақпағының) ілмегі ашылатынын түсінеді және келіседі және кез келген үшінші тұлға электромобильден  электр кабелін шығара  алады. Тапсырыс беруші кабельді электромобильден  және/немесе ЭЗС-нан өшіруді/ажыратуды өзі жүргізу үшін зарядтаудың шамамен аяқталу уақытын түсінуі тиіс. Орындаушы Тапсырыс берушінің осы тармақтың ережесін сақтамауы салдарынан туындаған ықтимал қолайсыз салдарлар үшін жауапты болмайды.

 

4.1. Тапсырыс беруші электромобильді зарядтау қызметін ала алатын ЭЗС  тізімі PUSH24  көрсетілген.

4.2. Қызмет үшін есеп айырысу PUSH24 көрсетілген тәртіппен белгіленген баға бойынша жүргізіледі. Тапсырыс беруші осы Оферта акцептінің алдында Тапсырыс берушінің көрсетілген бағалармен танысқанына және келісетініне келіседі.

4.3. Орындаушы Тапсырыс берушіде PUSH24 аккаунтындағы теңгерімде зарядтауды жүзеге асыру үшін жеткілікті сома болған кезде ғана Тапсырыс берушіге ЭЗС  қызметтерін ұсынады.

4.5. Тапсырыс беруші алынған қызмет үшін ақшалай қаражатты есептен шығаруға және осы Шарт бойынша өзге де төлемдерді PUSH24 аккаунтынан  акцептсіз тәртіппен жүзеге асыруға сөзсіз келісім береді.

4.6. Тапсырыс беруші төлемді жасаудың құпиялылығы мен қауіпсіздігін сақтау, шифрлау және деректерді жабық байланыс арналары арқылы беру қағидаттарында Халықаралық төлем жүйелері қағидаттарына сәйкес Орындаушының серіктес банкі арқылы Интернет желісін пайдалана отырып, электрондық нысанда төлемді жүзеге асыру арқылы PUSH24 қосымшасының аккаунтындағы теңгерімді толықтыруды жүзеге асырады. Тапсырыс берушінің банк картасының деректерін енгізу және өңдеу төлем қызметін ұсынатын әріптес банктің қорғалған төлем бетінде жүзеге асырылады.

4.7. Банк картасымен төлем «PAYMTECH» ЖШС экварийнг алаңы арқылы жүргізіледі. PUSH24 «PAYMTECH» ЖШС интернет-эквайрингіне қосылған. Тапсырыс беруші қызметті Visa немесе Mastercard төлем жүйелерінің банк картасымен төлейді. Қызмет расталғаннан кейін «PAYMTECH» ЖШС үрдістік  орталығының төлем парағы бар қорғалған терезе ашылады, онда Тапсырыс беруші өзінің банк картасының деректерін енгізуі қажет. Карта ұстаушыны қосымша сәйкестендіру үшін 3-D Secure хаттамасы пайдаланылады. Егер Сіздің эмитент банкіңіз осы технологияны қолдаса, Сіз қосымша сәйкестендіруден өту үшін оның серверіне қайта бағытталатын боласыз. Қосымша сәйкестендіру ережелері мен әдістері туралы ақпаратты банк картасын берген Банкте нақтылау қажет.

Онлайн-төлем қызметі Visa және MasterCard халықаралық төлем жүйелерінің ережелеріне сәйкес төлем жасаудың құпиялылығы мен қауіпсіздігін сақтау қағидаттарында жүзеге асырылады, бұл үшін тексерудің, шифрлаудың және деректерді жабық байланыс арналары арқылы берудің ең өзекті әдістері пайдаланылады. Банк картасының деректерін енгізу «PAYMTECH» ЖШС төлем бетіндегі қорғалған терезеде жүзеге асырылады

Төлем бетіндегі өрістерге карта нөмірін, карта иесінің атын, картаның жарамдылық мерзімін, үш таңбалы қауіпсіздік кодын (VISA үшін CVV2 немесе MasterCard үшін CVC2) енгізу қажет. Барлық қажетті деректер банк картасының бетінде көрсетілген.

CVV2/ CVC2 - картаның артқы жағында орналасқан үш таңбалы қауіпсіздік коды.

Сол терезеде 3-D Secure кодын енгізу үшін Тапсырыс беруші картасының эмитент банкінің беті ашылады. Егер Тапсырыс берушіде статикалық 3-D Secure орнатылмаған жағдайда, ол Тапсырыс берушінің телефон нөміріне SMS арқылы жіберіледі.

3-D Secure — бұл интернет желісіндегі карталар бойынша төлемдердің қауіпсіздігін қамтамасыз етудің ең заманауи технологиясы. Операцияны жүзеге асыратын карта ұстаушысының түбегейлі сәйкестендіруге және карта бойынша алаяқтық операциялардың тәуекелін барынша азайтуға мүмкіндік береді.

 

5.1. Балалар мен жасөспiрiмдерге жарақат алмас үшiн ЭЗС-на жақындауға қатаң тыйым салынады.

5.2. Электромобильдерді зарядтау үшін арнайы бөлінген орындарға қойыңыз және электромобильдің зарядтау кабелін оңай қосу үшін дұрыс орналасқанына көз жеткізіңіз.

5.3.Басқа зарядтау орындарына баруға бөгет жасамаңыз және электромобильдерді пайдаланбайтын жүргізушілерге қолайсыздық тудырмаңыз.

5.4. Тапсырыс берушінің және үшінші тұлғалардың мүлкіне залал, жарақат немесе денсаулығына зиян келтіруге жол бермеу үшін ЭЗС тек қана тұтас электромобильді  зарядтауда пайдаланыңыз.

5.5. Қосар алдында электр қуатымен байланысты қауіптің жоқтығына көз жеткізіңіз. Зарядтау порты мен шанышқының зақымдану белгілерін тексеріп, ЭЗС  жанында су немесе басқа сұйықтық жоқ екеніне көз жеткізіңіз. Ұшқындардың, зақымданулардың, бұзылулардың және т.б. болмауына ЭЗС сыртқы көзбен шолып қарауды жүргізіңіз. Бұзылу, зақымдану, ылғал және т.б. болған жағдайда электромобильді зарядтамаңыз және бұл туралы 2470 нөміріне хабарлаңыз.

5.6. Кез келген уақытта штаттан тыс жағдайда (өрт, түтін, қалыпты емес шу, су ағыны және т.б.) ЭЗС  апаттық тоқтатудың қызыл түймесін басыңыз және зарядтау станциясынан дереу алшақтаңыз. Содан кейін бұл туралы 2470 нөмірі бойынша қолдау қызметіне хабарлаңыз.

5.7.Электромобильді зарядтау жөніндегі электромобиль өндірушісінің нұсқаулығын сақтаңыз. Өндірушінің нұсқаулығында зарядтау құрылғысын қосу, электромобильді зарядтау үшін қанша уақыт қажет және электромобильді қаншалықты жиі зарядтау туралы нұсқаулықтар бар.

5.8. Автомобиль өндірушінің ұсынымдарына сәйкес электромобильге техникалық (сервистік) қызмет көрсетуді орындау және одан өту. Электромобиль және ол үшін пайдаланылатын зарядтау кәбілінің Қазақстан Республикасының қолданыстағы заңнамасының талаптарына және халықаралық техникалық стандарттарға сәйкес келуіне кепілдік беру.

5.9. Зарядтаудың барысын бақылау маңызды. Бұл кез келген әлеуетті мәселелерді  болдырмауға көмектеседі және кез келген техникалық мәселелерді тез шешуге мүмкіндік береді.

5.10. Уақтылығы: электромобиль толық зарядтауға жеткеннен кейін зарядтау тапаншасын өшіру/ажырату керек және оны қайтадан ЭЗС ұясына бекіту қажет.

5.11.Тапсырыс берушінің зарядтау станциялары желісіндегі ЭЗС  конструкциясының кез келген бұзылуы немесе зақымдануы, ЭЗС және PUSH24 дұрыс жұмыс істемеуі, Тапсырыс беруші ұшырасатын немесе қызметтерді алу кезінде оған белгілі болатын өзге де мәселелер  туралы дереу  (бірінші мүмкіндік болған кезде) 2470 нөмірі бойынша Операторға хабарлауға қажет.

5.12. ЭЗС тұтастығын бұзуға, ЭЗС-ның ішіне кіруге, электромобильдерді қоспағанда, кез-келген электр жабдықтарын ЭЗС-на  қосуға, электромобильдерді зарядтау үшін ЭЗС-ның тікелей тағайындауында көзделмеген басқа әрекеттерді жасауға қатаң тыйым салынады.

5.13. Қызметті алу аяқталғаннан кейін зарядтау тапаншасын өшіру/ажырату және оны қайтадан ЭЗС ұясына бекіту және басқа Тапсырыс берушілердің электромобильдерін  зарядтау үшін орын босату.

5.14. Сұрақтар туындаған жағдайда Орындаушыға 2470 телефон нөмірі бойынша жүгіну қажет.

 

6.1. Орындаушы техникалық қателер/бағдарламалық қамтамасыз ету немесе жабдық істен шыққан жағдайда қызмет көрсетудегі үзілістер үшін жауапты болмайды.

6.2. Тапсырыс беруші осы Шарттың 5-бөлімінде көрсетілген ЭЗС пайдалану кезінде қауіпсіздік техникасын сақтауға міндеттенеді.

6.3. Егер Тапсырыс берушінің қызметті алу кезіндегі іс-әрекеттері Орындаушыға айыппұл санкцияларын салуға әкеп соқса немесе Орындаушының залалдарының туындауына әкеп соқса, онда олар Қазақстан Республикасының қолданыстағы заңнамасына сәйкес Тапсырыс беруші тарапынан өтелуге жатады.

6.4. Тапсырыс беруші электромобильдің өртенуі және/немесе аккумуляторлық батареяға және/немесе электромобильдің кез келген электрондық немесе физикалық компонентіне және/немесе оның бағдарламалық қамтамасыз етуіне қызмет алу кезінде зиян келтірілгені және бұл ретте, кез келген адамның өмірі мен денсаулығына келтірілген залал және/немесе залал электромобильдің зауыттық ақауының себебі болып табылатыны керісінше дәлелденгенге дейін танылады.

6.5. Орындаушы қызмет көрсету кезінде өмірі мен денсаулығына зиян келтіргені үшін жауапкершілікті қоса алғанда, Тапсырыс берушінің және үшінші тұлғалардың мүлкіне зиян және/немесе залал келтіргені үшін жауапты болмайды.

6.6. Ешбір жағдайда Орындаушы жіберіп алған пайда үшін Тапсырыс берушінің алдында жауапты болмайды.

6.7. Тапсырыс беруші Қызметтерді алу кезінде жөнделмеген электромобилін пайдалану нәтижесінде туындаған барлық зақымданулар үшін толық көлемде жауапты болуға міндеттенеді.

6.8. Тапсырыс беруші Орындаушының мүлкіне, бағдарламалық қамтамасыз етуіне және беделіне, сондай-ақ, қызмет көрсету орнына зиян келтірмеуге міндеттенеді.

6.9. Тапсырыс беруші ЭЗС-ын  осы Шартқа сәйкес электромобильді  зарядтау үшін ғана Тапсырыс беруші мен үшінші тұлғаларға мүлікке залал, жарақат немесе зиян келтіруге жол бермеу үшін пайдалануға міндеттенеді.

6.10. Тапсырыс беруші осы Шарттың нұсқаулықтарын құрметтеуге және орындауға, қажет болған жағдайда, ЭЗС  желісін пайдалану кезінде Орындаушымен байланыс мақсатында Push24 көрсетілген телефон арқылы қолжетімді болуға міндеттенеді.

 

7.1. Шарт Тапсырыс беруші оның шарттарын акцепт жасаған сәттен бастап және Тараптар Шарт бойынша міндеттемелерді толық орындағанға дейін күшіне енеді.

7.2. Тапсырыс беруші  «Дербес деректер және оларды қорғау туралы» ҚР Заңына сәйкес электромобильді зарядтау қызметтерін көрсету шартын жасаса, жасалған шарттың орындалуын қамтамасыз ету мақсатында құжаттардағы дербес деректерді және Орындаушыға берілетін өзге де ақпаратты өңдеуге, сақтауға және өзге де пайдалануға келісім береді.

7.3. Орындаушы кез келген уақытта осы Оферта мәтініне өзгерістер енгізуге, жаңа Оферта орналастыруға, Оферта қолданысын тоқтата тұруға, Офертаны  қайтарып алуға құқылы. Өзгерістер Сайтта және PUSH24 мобильді қосымшасында орналастырылғаннан кейін жарамды болады. Тапсырыс беруші Офертаға өзгерістер/толықтырулар енгізуді дербес қадағалауға міндеттенеді.

7.4. Тапсырыс берушінің осы Офертаға кез келген өзгерістер және/немесе толықтырулар енгізілгеннен кейін зарядты алу жөніндегі іс-қимылдарды жасауы Тапсырыс берушінің осындай өзгерістермен/толықтырулармен сөзсіз келісімін растау болып табылады.

7.5. Осы Офертаны орындауға байланысты даулар мен келіспеушіліктерді Тараптар сотқа дейінгі (наразылық) тәртіппен шешетін болады. Келісімге қол жеткізілмеген жағдайда, даулар ҚР қолданыстағы заңнамасына сәйкес соттың қарауына беріледі.

7.6. Компанияның  деректемелері:

Компания:  «PUSH EVC» ЖШС

БСН: 231040039837

ЖСК: KZ12601A861023988851

КБе: 17

Банк: «Қазақстан Халық Банкі» АҚ

БСК: HSBKKZKX

Валюта: KZT

Заңды мекенжайы: ҚР, Алматы қ., Н. Назарбаев даңғ., 250 үй, 5 кеңсе. 

Орналасқан мекенжайы: ҚР, Алматы қ., Н. Назарбаев даңғ., 250 үй, 5 кеңсе. 

Бас  директоры  Дзауров Х.А.

www.push24.kz  сайты